يرجى قراءة حرف القاف ( قاف ) بنطق الفصحى بموضع القافية
أول برلمان بعد الثورة
ـــــــــــــــــــ
باين عليك يامجلس . . . . . . هتبقى مجلس همبكه
من أول الســــــطر. . . . . . . بيناتكم قامت معركه
يعنى الكراسى لسه . . . . . . . لازقه فيــها الفبركه
وع المنصه هـ تقعدولنا ..خبير فى ضرب المطرقه
وهاتصقفوله زى اللى قبله . . وحنا هــ نشبع قهقهه
لاهاتغيروا ولا هـ تتغيروا . . . لحد ماتزيد المحرقة
لاهاتحلو ولا هـ تربطو . . (ديمقراطية) مش كلمة منمقه
ولا حبة جراءة . . . . . . . . . تخوضوا بيها المعركه
ديمقراطيتنا ميزانها عدل .. والعداله ماتكرهنيش وأحبكا
اتحانقتو بدال ماتسعدونا . . . .وتقولوا للعالم تغيرنا تحققا
هاتعدوا بمصر للأمان؟ . . . . ولاهاتسقوها الذل بملعقه ؟
كأنك يابوزيد ماغازيت . . . . . ووقفت بميدان التحرير
ولا زعقت من قلبك . . . . . . . وناديت بمطلب التغيير
وقفت لكل مين ظلمنا . . . . . . ولعب بمقدراتنا وأحرقا
وهلت على إيد شبابنا . . . . . . نسايم تنجينا م الــ مَخنقه
أول جلسة (ت) افتتاح . . . . . . . وكل أعضاءك مرهقه
ونا اللى كنت بأعد اليوم . . . . . تحت القبه تتلموا بوطقه
وتصلحوا لنا الموقف . . . . . . . ونشوف العداله محققه
ماتضحكوش العالم علينا . . . . . . . لحد مايشبع قهقهه
مجلسكم البائد كان موقر . . . . . بـ يشرب من دمنا وحنا
شربنا النيل أبو ميه معكرة
وياما اتخدعنا كتير . . . . . . من أعضاء لجانه الموقرة
فى حلفطتهم كانوا موقرين . . . . .وكدابين لحد المسخرة
كتير صنعوا لنا الآلهه . . . . . . بقفال مسوجرة مجنزرة
الشاعر
محمدأسامة البهائى
هناك تعليقان (2):
الشعر ممتاز
بحييك :)
أشكرك زهرة وأهلا بك ومرحبا .. من mohamed osama Elbahaey
إرسال تعليق