السبت، 21 يناير، 2012

مسلم ولا مسيحى

مسلم ولا مسيحى
****
مين فينا فى مصر يرضى
ولا يوافق
ولا يسمح
ولا يقبل
ولا يعيش
وناس تانية بتموت
وبيتعدالها الحدود .. وتانى يوم نلقاها
عايشة على صفحة جرنال .. وعناوين أخبارنا
شايفة الأزمة مصيبة وكارثة ومين مع مين
ولأمتى وفين .. نخاف من حبة تعابين ..
ماتجيبوا رفاعى بدل الـخبر .. الـإذاعى
ولا هاتــُـــم إيديكم فى دراعى
ومفيش داعى .. بزياداكو نوم
وتضحكم على عليت القوم اللى بتصدقكم
وشيلوا راس الأفعى الأول .. دا الخبر مش هايطول ..
وح يرجع أبوك عند أخوك لمرجوعنا م الأول
أوعاك تقول لى مسلم ضرب قبطى ولافجر القبطى مسلم
مفيش مصرى صام صومه ..بملته ونوعه
وصلى وركع ..وأخلص فى ركوعه
وسبح ربه .. بعدد نجومه ..
واستغفر لله يومه هيخرج عن طوعه
وهايغضب اللى بيه آمن وبكتبه ورسله
هيخرج عن دا كله وهايـُفجر فى رجوعه
دا لايبقى المصرى اللى نعرفه .. ولا ده نوعه
الشعب المصرى من يومه عايش على ربوعه
بيزرع ..زرعه .. وبيصنع صنعه ..
بيجنى فى جنيه .. بيطرح طرحه .. بيجمع جمعه
ماطالبش ربنا غير بالستر .. فى كنايسه وجوامعه
الجار لو أتوجع بالأه يجرى له الجار .. لو سامعه
إن فاض بيه وطهق م الشكوى يلقى ألف مين سامعه
ومألتقاش حد جنبه .. فى عز القهر يمسح مدامعه
الأيد اللى طبطبت على ضهرى لما وقعت فى غارة
والأيد اللى رفعتنى م البحر لما غرقت بالعبارة
ماأخدتش من صاحبها الأشارة مسلم ولا مسيحى
اللى وقف حنبى فى العيادة بحسة الصحى
ماسألتوش وقت المرض مسلم ولا مسيحى
لما خرجت أنا وهو بعين واحده فى وسط راسنا
ولما قعدنا ع التخته سوى وفتحنا كراسنا
لما ذاكرنا واتشطرنا وخفنا م الخيبة تجرسنا
لما حطينا الأيد فى الأيد وعشنا من راسنا
لما وقفنا نحمي الوطن جنب حراسنا
ماحدش لعب بينا ولا لعب فى راسنا
وفضلنا مصريين ماقلش حماسنا
****
الشاعر
محمدأسامة البهائى
بورسعيد

ليست هناك تعليقات:

بسم الله الرحمن الرحيم

أحبائى الكرام أهلاً ومرحباً بكم قدمت هذه المدونة لتكون أشعارى وقصائدى بين أياديكم وكتاباتى المتنوعة متمنياً أن تنال رضاكم وارجوكم موافاتى بتعليقاتكم وآراءكم ولنجعلها جسراً للتواصل بينى وبينكم فأنا منكم وبكم .. مع الشكر وخالص تحياتى وتقديرى لكم جميعاً








أذكر الله العلى العظيم

أذكر الله العلى العظيم
خالد محمدأسامة

أذكرالله العلى العظيم

أذكرالله العلى العظيم
عمرمحمدأسامة

فنار بورسعيد

فنار بورسعيد
فنار بورسعيد القديم حجبته الأبنية العالية حالياً

بحر الكنال

بحر الكنال
مدخل بورسعيد لقناة السويس

أهلا ومرحبـــا بكم بمدينتى الغالية بورسعيد الباسلة

بورسعيد نغم الموج وسلك السمسمية

الأستماع لأحد الشعراء

الصديق عادل منسى متحدثاً

من ندوة شروق

من ندوة شروق

مع الشاعر عبد الناصرحجازى

خريطة القناة

للبحر لغات يتقنها البورسعيدية

أمسية شعرية

أمسية شعرية
لقطات لندوة صالون شروق