ياروايحك الياسمين مدونة الشاعرمحمدأسامة

كل سنه مابتشبهش سنه

***

يارب يامعين أسمعنا أجمعين
نبقى شعب .. مش شعبين
برحمتك .. وبتراحمنا .. متواعدين
ومانكونش متباعدين
زى أولالات الدين
فى البوسنه والهرسك
وبلاد اللى يبدرّ يمسك
قول يااااااااسودان إيه جنسك
شتاتات الفرقه بــ تِمسك
بادعى لك .. مايموت حسك
وقت جنوبك مايجزك
قولوا لفسطين مايهزك
بتنزى الدم وبينزك
العالم أصبح بيعزك
دوله ورا دوله طالبين إعلان
مانشوفش اللى شافوه فى لبنان
أيام الحرب ما كان
بين اللبنانية الجدعان .. وطلعت ع الفاضى الشبطه
مابقولش العراقية ناس عوبطه .. من كتر مافيهم خوطبه
بيجيبوا للدين ألوان .. ومشاعر من شغل الجان
بيخالفو السنه وجابو شريعه .. وقال إيه بيقولك شيعه
أحوال ماتقولش فظيعه .. وكل واحده تقول قطيعه
يقطع الشرك وأتباعه .. والضماير اللى أتباعو
ويبارك فى النور اللى منور
جوه قلوبنا .. وعايزين نتصور
مش صوره وكاميرا وأفلام
نتصور حالنا لو ميلنا
واتسحب المجرى من نيلنا
وخرجنا مجـاعات وحزننا
ع اليوم لاسود لما يجيلنا
ماصلحناش حالنا وأجلـــ .. نـــا
لا خدنا بالنا م الأجيال ولا جيلنا
ياريتك طهرت روحك مابيننا
تصوم وتصلى وتدعى لنا .. وتقول
يارب يامعين أسمعنا أجمعين
نبقى شعب .. مش شعبين
برحمتك .. وبتراحمنا .. متواعدين
ومانكونش متباعدين
زى أولالات الدين
ــــــــــــــــــــــ
الشاعر
محمدأسامة البهائى