الجمعة، 24 أكتوبر، 2008

قصيدة بـجرة قلم للشاعرمحمدأسامة البهائى




بـ جرة قلم
ـــــــــــــــ

ـ 1 ـ
بجرة قلم
تدور فى ساقية
ترفع مية النيل فوق الجبل
وساعة م تعطش تدور ف دايرة...
من جوا دايرة تتعلق ف دايرة
لحد ماطلبك يتقبل
بجرة قلم

ـ 2ـ
بجرة قلم
تروّق أوجاعك
وتفرم كل مين باعـك
نهرك يجرى مايوقفوش سد
وساعتها ماتحسش بأى حد
تفرد فى طولك تفرد دراعك
لحد مايحل غيرك محلك
بجرة قلم

ـ 3ـ
بجرة قلم
يسكن بدنك جرح وألم
بجرة قلم يتحدد مصيرك
لا يخيرك ولا يستشيرك
وأنت م تصدق ...
تجرى تلحق قطر الزمن .. لتفلس
توالس تدلس تشخشخ ضميرك
تغافل تنافق تصحصح لغيرك
ليركب مكانك ويدخل مجالك
بجرة قلم

ـ 4 ـ
بجرة قلم
ضهرك يفردك ماتبقاش قنطرة
ماأنت عايز تبقى ابن الناس اللى ربت
تعبت عليك لحد ما تفلح فى العلام
وآن أوانها تفرح بك وأنت ملوهدومك
بيت ووظيفة وعيشة نضيفة ترضيهم
تتلاحق عليك الوسايط تعيش
ياتمشى فى سكة لانحراف وتهلس
وتلقى روحك تحت قبة البرلمان ..
بينوبك من كل وليمة نايب وتتبت
بجرة قلم

ـ 5 ـ
بجرة قلم
يخرس لسانك
ما أنت زى السيجارة اللى طالتها نار
تلسع وتدخن من غير ماتُحدث لاِنفجار
نزعوا منك فتيل اللغم
ويبطل مفعولك بحاجات تزاحمك تلبخك
تبقى فاضى وناس تانية ملبوخة تنفخك
بجرة قلم.

بجرة قلم
تقدر يكون لك اختيار
.............
. . ...
بجرة قلم
ـــــــــــــــــ

هناك 3 تعليقات:

غير معرف يقول...

اخى الحبيب محمد اسامة
انا مش داخل للتعليق بقدر انى احاول ان ابحث عن وسيلة للاتصل بك
اين ايها الصديق الرائع
ياريت تتصل بيا او تكتبلى ايميلك
تليفونى هو 0128028586
وايميلى هو al_rewan@yahoo.com
تحياتى وامنياتى بان تكون فى تمام الصحة والعافية

غير معرف يقول...

على فكرة انا محمد رمضان هدايه

محمدأسامة يقول...

تحياتى للأخ العزيز محمد رمضان هداية

بسم الله الرحمن الرحيم

أحبائى الكرام أهلاً ومرحباً بكم قدمت هذه المدونة لتكون أشعارى وقصائدى بين أياديكم وكتاباتى المتنوعة متمنياً أن تنال رضاكم وارجوكم موافاتى بتعليقاتكم وآراءكم ولنجعلها جسراً للتواصل بينى وبينكم فأنا منكم وبكم .. مع الشكر وخالص تحياتى وتقديرى لكم جميعاً








أذكر الله العلى العظيم

أذكر الله العلى العظيم
خالد محمدأسامة

أذكرالله العلى العظيم

أذكرالله العلى العظيم
عمرمحمدأسامة

فنار بورسعيد

فنار بورسعيد
فنار بورسعيد القديم حجبته الأبنية العالية حالياً

بحر الكنال

بحر الكنال
مدخل بورسعيد لقناة السويس

أهلا ومرحبـــا بكم بمدينتى الغالية بورسعيد الباسلة

بورسعيد نغم الموج وسلك السمسمية

الأستماع لأحد الشعراء

الصديق عادل منسى متحدثاً

من ندوة شروق

من ندوة شروق

مع الشاعر عبد الناصرحجازى

خريطة القناة

للبحر لغات يتقنها البورسعيدية

أمسية شعرية

أمسية شعرية
لقطات لندوة صالون شروق