خـطوط
خطوط عمرى داخله فى بعضها
زى ماتكون بتعاندنى
حبة وقيد وبتقيدنى
خط نار ودايما عِوج
نحيف يبان لك دوغرى
فى الحيرة من صغرى
اتعودت الناس تفتح قلبي
وتدخل تفرش فيه وتنام
وانا فى الوفا شايل ذنب امام
قدمت كل سبت وقع فى إيدى
لجل أعتر فى حد ماليقتش حد
مالقيتش مطرح يساع فى شبر كربى
أنا شرقى ولا غربى
ولاأنا وقعت فى نهار مالوهش ضى
تنسى اللى راح ماتبصش للى جاى
تتنى فيك خطوطك طول بعرض
مفيش ع الأرض حد
يرد لك حق ..
من بعد ممات النبى
ــــــــــــــــ
الشاعر
محمد أسامة البهائى
ـــــــــــــــــــــــــــــــــــــــــــــــ
ليست هناك تعليقات:
إرسال تعليق