الثلاثاء، 25 مارس، 2008

قصر مله أبو نظرة عين


قصر مله أبو نظرة عين
ــــــــــــــــــــــ
شيح وفسوخة وفص لبان
الحلق أدوه للي بلا ودان
لموا الخايب علي الدهلان
ماتقولش يمام دا أبو الغربان
فتحوا القمقم لقو تعبان
قاموا طالعين جري علي رفاعي
هو يعزم واحنا نعزم
جالنا الهم الجو أتأزم
قمت شاورت عليه بصباعي
حقي أنا ها أخده ياناس بدراعي
واشفي غليلي من أوجاعي
مش ناقصين تعابين وافاعي
هاخلي السر بيني وبين أتباعي
الخير بين والشر بين وكل الدواعي
نفسر ياخلق هوووو ، ولا . ، مفيش داعي

هاتجيلنا أيام نشوفك في لمة كبيرة
ولايمكن تاخدك الأخادة لحته بعيدة
فتحت علي نفسك فاتوحة ومش قدها
دأنت مش قد الشعرا وعندها
فضايحك مالية الدنيا ومُصر تمدها
تقول قصاص تقول لاباص
دأنت وقعت أدشدشت يابلاص
المش ابو دوده بيشغي يابو دبابير أنشاص
تماحيك الفاضي وقال أدباتي أتباع باص اللى زيك
شوف لك ركوبه تشبه جنابك
و أدب فى روح سعادة اللى جابك
والذنب في حق شخصي قسماً لن يغتفر
قصر ملة ولا قصر طول ونظر يابو لسان متعاص
روح شوف لك باص ياخدك بعيد عننا
معرض وروحك هاتطلع بعيد عننا
مين اللي حط النقطة ياخونا فوق المعرضين الدواعي
مش ناقصين تعابين وافاعي
هاخلي السر بيني وبين أتباعي
الخير بين والشر بين وكل الدواعي
نفسر ياخلق هوووو ، ولا . ، مفيش داعي





كتبت هذه القصيدة فى رجل دخيل على الأدب والأدباء والمبدعين بكل إدعاءاته سليط اللسان قصير القامة ولمن يعرفونه تركت بالقصيدة إشارات ومناطق وعلامات ودلائل تشير إليه كثيراً مايجعلك تخرج عن شعورك مهما كنت من الكاظمين الغيظ أو العافين عن الناس منه لله






ـــــــــــــــــــــ
الشاعر
محمدأسامةالبهائي

هناك تعليقان (2):

غير معرف يقول...

الله عليك يااستاذ محمدأسامة قصيدة مصرية صميمة خارجة من حوارينا الشعبية وهذه قيمة كبيرة تعطيك تقدير إمتياز فى هذه اللغة لغة السهل الممتنع وحقيقى مصر كسبت شاعر كبير زى حضرتك ومدونتك من المدونات المحترمة التى تقدم شئ ثرى وتحترم العقول بعيداً عن الأسفاف ربنا يوفقك أستاذ محمد وأشكرك جداًعلى هذا الشعر.البلتاجى عبد العال قنايات الشرقية.

غير معرف يقول...

شيح وفسوخة وفص لبان والله العظيم نص شبابنا مايعرفش يعنى إيه الكلمات دى بس الله يكون فى عونة الأدمى اللى بتقول له الكلام الهايل ده أنت شاعر عبقرى وبعدين ياعم القباحة اللى فى القصيدة باينه ومفهومه ( اتباع باص اللى زيك )أنت ماليكش حل يجى الشباب يتعلموا بدل الكليبات اللى لحست عقولهم

بسم الله الرحمن الرحيم

أحبائى الكرام أهلاً ومرحباً بكم قدمت هذه المدونة لتكون أشعارى وقصائدى بين أياديكم وكتاباتى المتنوعة متمنياً أن تنال رضاكم وارجوكم موافاتى بتعليقاتكم وآراءكم ولنجعلها جسراً للتواصل بينى وبينكم فأنا منكم وبكم .. مع الشكر وخالص تحياتى وتقديرى لكم جميعاً








أذكر الله العلى العظيم

أذكر الله العلى العظيم
خالد محمدأسامة

أذكرالله العلى العظيم

أذكرالله العلى العظيم
عمرمحمدأسامة

فنار بورسعيد

فنار بورسعيد
فنار بورسعيد القديم حجبته الأبنية العالية حالياً

بحر الكنال

بحر الكنال
مدخل بورسعيد لقناة السويس

أهلا ومرحبـــا بكم بمدينتى الغالية بورسعيد الباسلة

بورسعيد نغم الموج وسلك السمسمية

الأستماع لأحد الشعراء

الصديق عادل منسى متحدثاً

من ندوة شروق

من ندوة شروق

مع الشاعر عبد الناصرحجازى

خريطة القناة

للبحر لغات يتقنها البورسعيدية

أمسية شعرية

أمسية شعرية
لقطات لندوة صالون شروق