الثلاثاء، 25 مارس، 2008

فين القاضى


فين القاضى
ــــــــــــــ
مرمى فى حضنك .... ماتدفيش
اعشق فيـكى. ... وماتحسيش
وسايبه عوازل تنهش فيا وتنهش فيكى
وشايفه بعينك مانتقطيش ... كلك طيش
عايزة الجد .... وجد الجد ... ومابدأتيش
باينه القصة زى الشمس
ومش محتاجه كلام بالهمس
ولا وشوشه ف ودان الناس
كلنا حبـيبه كلامنا بهمس
اللى عنـينــا تشـوفه اليوم
نفسو اللي شــافته بالأمس
ومن قبل مايجى اليوم والأمس
ماشيين ماشيين والسكة
السكة عذابنا بالممنوع
ممنوع و فى عز ألام موجوع
حد يخطى في الممنوع
حتى البص عليه ممنوع
ممنوع يتحاكى بحلم اللمس
حتى اللمس عليك ممنوع
واضح واضح قول مسموع
يا دوب تتلفت هنا وهناك
تلئا مصيبة بتستناك
تتنى ف حالك أو تتكووم مش هاتهم
ومش هايهم عليك لجل تهم
وطفح السم
في لقمة عيشك لما هاتيجى
هاتيجى ع القد
انشالله مابطنــك داقت شـبع
ولا صحييت ضماير شايفاك تتخدع
العيشة مرسومه لك
زى الصبيةاللى راقدة للجدع
قاعدة ف أرابيزك وأنت بتتخدع
حاطيين لك سيناريو بكل تفاصيل الملل
وكد بالمشاوير عينى عليك يادى الجدع
وحيد في بلد
عمدتها بمليون من كل العمد
(زرعت زرعي وقلعني عريان للسنين)
زعقت بعزم مافى هازعق لمين؟ ولا مين؟
توهت وتايه ع الأمل من غير أمل
وفى بلاد الغربة
بأزهد تمن
يا تعيش في قلبك نار
يا ترجع تاكل زلط
ويبقى لك كرش من قاعدة البيت
يا تدخل البراية
زى القلم الرصاص النحيف النحيل
اللى محطوط
ورا ضهره محايه تمحى فيك
ويا صبرك وأنت بتتمحا
فى عهد المهانة
والاستهانة بكل آدمي بيتولد
وآه لو عندك بنت و ولد
تشوف اللي عمرك ما شفته
وغصبـــــاً
ها ترضى وها تقبل
ما أنت قليل الحيلة
خليك فى اللى أنت فيه
ها تغرق وها يغرقوك
وقبل ما تشــنق
هايعلقوك فى قشـــه
والقشــة هاشة
والهشاشة فى العظام
طفحت م البرودة والرطوبة
بس طوبى للي عدا ع الهموم
ولملم فى نفسه
لم نفسه
من سكاته فى الهدوم.
تقولي راضى
أقولك
منين يا قاضى ومن ايه؟
منين ما تحكم بالحكم راضى
مشاكلي مشاكلي
ونظرةلايخدعك شكلى
أنا المليان لكن فاضي
وأنت إن حكمت حكمك يا قاضى
احكم بالعدل.
أحكم بالعدل يا قاضى .
ولو أنى خايف
لا ده
كمان
ماتعرفوش.!!

ـــــــــــــــــ

بالعامية المصرية
للشاعر
محمدأسامةالبهائي

هناك تعليق واحد:

غير معرف يقول...

سلمت يمناك ياشاعر بروعتك وتمكنك بالدخول بنا إلى السهل الممتنع ربنا يوفقك / تحيتى محمد النجار ـ مصر

بسم الله الرحمن الرحيم

أحبائى الكرام أهلاً ومرحباً بكم قدمت هذه المدونة لتكون أشعارى وقصائدى بين أياديكم وكتاباتى المتنوعة متمنياً أن تنال رضاكم وارجوكم موافاتى بتعليقاتكم وآراءكم ولنجعلها جسراً للتواصل بينى وبينكم فأنا منكم وبكم .. مع الشكر وخالص تحياتى وتقديرى لكم جميعاً








أذكر الله العلى العظيم

أذكر الله العلى العظيم
خالد محمدأسامة

أذكرالله العلى العظيم

أذكرالله العلى العظيم
عمرمحمدأسامة

فنار بورسعيد

فنار بورسعيد
فنار بورسعيد القديم حجبته الأبنية العالية حالياً

بحر الكنال

بحر الكنال
مدخل بورسعيد لقناة السويس

أهلا ومرحبـــا بكم بمدينتى الغالية بورسعيد الباسلة

بورسعيد نغم الموج وسلك السمسمية

الأستماع لأحد الشعراء

الصديق عادل منسى متحدثاً

من ندوة شروق

من ندوة شروق

مع الشاعر عبد الناصرحجازى

خريطة القناة

للبحر لغات يتقنها البورسعيدية

أمسية شعرية

أمسية شعرية
لقطات لندوة صالون شروق